ადრე თუ გვიან სუშის მოყვარულ თითოეულ ადამიანს უჩნდება კითხვა, შეიძლება თუ არა, აღმოჩნდეს ეს კერძი სახიფათო ჩვენი ორგანიზმისთვის. სამწუხაროდ, უმ თევზში, რომელიც სუშის მთავარ ინგრედიენტს წარმოადგენს, შეიძლება ჭიები და პარაზიტები ბინადრობდნენ.
კვლევების თანახმად, როგორც ზღვის, ასევე მტკნარი წყლის თევზების 80-90% ჭიებითაა დაინფიცირებული. მზარეულები, რომლებიც იაპონურ სამზარეულოში მუშობენ, ეწინააღმდეგებიან ამ მოსაზრებას. მსხვილ რესტორნებზე გაყდდული უმი თევზი და ზღვის პროდუქტები გადის შესაბამის შემოწმებას და თითოეულ მათგანს თან უნდა ახლდეს სერთიფიკატი ან სპეციალური დოკუმენტი, რომელიც პროდუქტის ვარგისიანობას მოწმობს.
იმ შემთხვევაშიც კი, თუ პროდუქტი მაღალხარისხიანი იქნება და ის ყველა საჭირო შემოწმებას უპრობლემოდ გაივლის, სავსებით შესაძლებელია თევზის უმი ხორცი ანტისანიტარულ პირობებში დაინფიცირდეს პარაზიტებითა და ჭიებით. სწორედ ამიტომ, თუ საკუთარი თავის ამ უგემრიელესი კერძით განებივრებას დააპირებთ, ყოველთვის შეაჩერეთ არჩევანი იაპონური რესტორნების მსხვილ ქსელზე.
პატარა კაფეები და ბარები, რომელთა მენიუში ამ კერძს საპატიო ადგილი უჭირავს, უმეტეს შემთხვევაში დაბალხარისხიანი, იაფი პროდუქციით მარაგდება.
თუ თქვენ ჭიებით დაინფიცირების რისკი გაშინებთ, შეგიძლიათ საერთოდ თქვათ უარი თევზის უმ ხორცზე ან უბრალოდ მიირთვათ ეს კერძი სწორედ იმ რესტორნებში, სადაც სანიტარული ნორმებია დაცული.
გისურვებთ ჯანმრთელობას!
