პოდაგრა თავს იჩენს მაშინ, როდესაც შარდმჟავა იწყებს დაგროვებას სისხლში. დროთა განმავლობაში, როდესაც ორგანიზმში შარდმჟავას რაოდენობა რამდენჯერმე იზრდება, ისინი სახსრებში კრისტალიზირდება და წარმოიქმნება სპეციალური ფენები.
პოდაგრა ქრონიკული დაავადებაა და მისთვის დამახასიათებელი ყველაზე გავრცელებული სიმპტომი სახსარზე შეხებისას ტკივილის აუტანელი განცდაა. ადამიანების უმრავლესობა ამ პრობლემის გასამკლავებლად და ტკივილის გასაყუჩებლად ასპირინს მიმართავს. რა თქმა უნდა, ეს პრეპარატი ეფექტურია მდგომარეობის შესამსუბუქებლად, თუმცა მისთვის უამრავი გვერდითი მოვლენაა დამახასიათებელი.
ყოველივე ზემოთ ხსენებულიდან გმომდინარე, ''რჩევები''-ს რედაქციაში გადავწყვიტეთ თქვენთვის ნატურალური, 3 კომპონენტიანი საშუალების მომზადების რეცეპტის გაზიარება, რომელიც ხანმოკლე დროში, თანაც მინიმალური ძალისხმევით დაგეხმარებათ პოდაგრის სიმპტომების შემსუბუქებაში და ორგანიზმიდან შარდმჟავას კრისტალების გამოდევნაში.
ნატურალური საშუალება პოდაგრის წინააღმდეგ
თქვენ დაგჭირდებათ:
- 1 ანანასი
- 1-2 ჩ.კ დაფქული კურკუმა
- 1 ჭიქა ალუბლის ნატურალური წვენი
- მინის ქილა ჰერმეტული თავსახურით
- ჯანჯაფილის ახალი ფესვი (3 სმ სიგრძის ან 2-3 სუფრის კოვზი ფხვნილი)
- ბლენდერი
- თაფლი
მომზადების წესი:
გაასუფთავეთ ანანასი კანისგან, შიგთავსი დაჭერით პატარა ნაჭრებად, მოათავსეთ ბლენდერში და ურიეთ მაღალ სიჩქარეზე. პიურეს მიღების შემდეგ ჩაამატეთ ბლენდერში ალუბლის წვენი, კურკუმა და ჯანჯაფილი.
მიღებული ნარევი გადაიტანეთ მინის ქილაში და მჭიდროდ დააფარეთ თავსახური. მიღებული საშუალება შეინახეთ მაცივარში დაახლოებით 10 დღით. სურვილისამებრ, ამ საშუალების მომზადებისას შეგიძლიათ გამოიყენოთ მცირეოდენი თაფლიც. საუკეთესო შედეგის მისაღებად მიირთვით ეს საშუალება ყოველდღიურად 100 მილილიტრის ოდენობით ჭამიდან 1 - 1,5 საათის შემდეგ.
ვიმედოვნებთ, რომ ეს ინფრომაცია თქვენთვის სასარგებლო და გამოსადეგარი იქნება. გისურვებთ ჯანმრთელობას!
