გიფიქრიათ იმაზე, თუ რა უნდა შეჭამოთ, რომ ტვინმა უკეთ იმუშაოს? ეს პროდუქტი გაამყარებს თქვენს ჯანმრთელობას და დაგეხმარებათ, იფიქროთ გაცილებით სწრაფად. სასარგებლო ცხიმოვანი მჟავებისა და მიკროელემენტების წყალობით, ასეთი საკვები ტვინისთვის ენერგიის შეუცვლელი წყაროა. ნახავთ, როგორ უმჯობესდება თქვენი მეხსიერება და კონცენტრაციის შესაძლებლობა. საკვებზე ბევრი რამაა დამოკიდებული.

საკვები პროდუქტი ტვინისთვის

1. გოგრის თესლი
   გოგრის თესლი შეიცავს თუთიას, რომელიც ააქტიურებს გონებრივ ცხოველქმედებას და გეხმარებათ მეხსიერების შენარჩუნებაში.
   
   
   
2. ბერძნული კაკალი
   ყველა სხვა თხილთან შედარებით, ეს კაკალი შეიცავს ყველაზე დიდი რაოდენობით ვიტამინ E-ს. ეს უკანასკნელი ტვინს იცავს გამანადგურებელი პროცესებისა და დაავადებებისგან, რომლებიც დაბერებასთანაა დაკავშირებული.
   
   
   
3. პომიდორი
   მიირთვით პომიდორი და დაიცავით თავი ალცჰაიმერის დაავადებისგან. პომიდორი მდიდარია ლიკოპინით - ანტიოქსიდანტით, რომელიც ორგანიზმთან ერთად ებრძვის თავისუფალ რადიკალებს.
   
   
   
4. კაკაო
   შავი შოკოლადი არამხოლოდ ძალიან გემრიელი, არამედ სასარგებლოცაა. კაკაო ადამიანის კოგნიტურ შესაძლებლობებს ზრდის და კარგად მოქმედებს გულის ფუნქციონირებაზე. რაც უკეთ მუშაობს გულ-სისხლძარღვთა სისტემა, მით უფრო იჟღინთება ტვინი სასარგებლო ნივთიერებებით, რომლებსაც სისხლის ნაკადთან ერთად იღებს.
   
   
   
5. ცხიმიანი თევზი
   წითელი თევზი, სკუმბრია, თინუსი, სარდინები - თევზი, რომლებიც იშვიათად მაინც უნდა მიირთვათ. ომეგა-3 უჯერი ცხიმები, რომლებიც ამ თევზების ხორცის შემადგენლობაშია, დადებითად მოქმედებს ტვინზე და უნარჩუნებს მას ახალგაზრდობასა და აქტიურობას.
   
   
   
6. სრულმარცვლოვანი პროდუქტი
   სრულმარცვლოვანი პროდუქტი გეხმარებათ სისხლში შაქრის დონის დარეგულირებაში. ეს უზრუნველყოფს თქვენს ტვინს საკვები ნივთიერებებით - სრულმარცვლოვანი პროდუქტი ხანგრძლივი მძლავრი ენერგეტიკული რესურსია.
   
   
   
7. ბროკოლი
   К ვიტამინი - ნივთიერება, რომელსაც ეს კომბოსტო დიდი რაოდენობით შეიცავს. იგი აუცილებელია ადამიანისთვის აქტიური გონებრივი პროცესებისთვის.
   
   
   
8. მწვანე ჩაი
   კატეხინი და თიანინი - ანტიოქსიდანტები, რომლებიც შედის მწვანე ჩაის შემადგენლობაში. ეს ნივთიერებები ასტიმულირებს ტვინის ფუნქციონირებას, აუმჯობესებს კონცენტრაციას, ხელს უწყობს ადამიანის სიფხიზლის შენარჩუნებას.
   
   
   
9. შავი მოცვი
   შავი მოცვი შეიცავს C ვიტამინს, რომელიც ატონიზირებს მთელ ორგანიზმს და ეხმარება ტვინში ახალი ნეირონული კავშირების დამყარებაში. თუ ეწევით, აუცილებლად ჩართეთ რაციონში C ვიტამინის დამატებითი წყაროები, რომელიც მოწევისას ულმობლად ნადგურდება.
   
   
   
10. ბადრიჯანი
    ვინ იფიქრებდა, რომ ამ სიაში ბადრიჯანიც შევიდოდა! ეს ყველაფერი ანტონიაცინების დამსახურებაა - ამ ანტიოქსიდანტებს ბადრიჯანი უხვად შეიცავს. ისინი დაგიცავთ სკლეროზის ნაადრევი განვითარებისგან.