ყვავილოვან კომბოსტოს თამამად ვუწოდებთ ბოსტნეულების დედოფალს. იგი ერთგვაროვნად სასარგებლოა როგორც ბავშვების, ისე უფროსებისთვისაც, შეიცავს უფრო მეტ ვიტამინ C-ს, ვიდრე ციტრუსი. შეგიძლიათ, ყვავილოვანი კომბოსტო მიირთვათ დიდი რაოდენობით და არ შეგეშინდეთ წონაში მომატების. ეს ძვირფასი დიეტური პროდუქტი, ამასთან, განუმეორებელი გემოვნური თვისებებით გამოირჩევა.

ყველაზე მარტივია კომბოსტოს შეწვა ზეთზე ან სუპში მოხარშვა. რჩევების რედაქცია კი გიზიარებთ ყვავილოვანი კომბოსტოს მომზადების რეცეპტს ღუმელში. დამიჯერეთ, ეს კერძი ერთსულოვნად არ დაგტოვებთ.

ინგრედიენტები

• 500 გ ყვავილოვანი კომბოსტო
  
• 100 გ მყარი ყველი
  
• 3 ს.კ. არაჟანი
  
• 1 კვერცხი
  
• 2 კბილი ნიორი
  
• 2 ს.კ. კარაქი
  
• 2 ს.კ. კამა
  
• 40 გ საფანელი
  
• მარილი და პილპილი გემოვნებით
  

მომზადება

1. დაყავით კომბოსტო ყვავილედებად. დადგით ცეცხლზე მარილიანი წყალი. როცა ადუღდება, ჩაყარეთ მასში კომბოსტოს ნაჭრები და ხარშეთ 3-4 წუთით. იმისათვის, რომ ხარშვის დროს კომბოსტო არ გამუქდეს, წყალს დაუმატეთ ცოტაოდენი ლიმონის წვენი.
   
2. მოათავსეთ კომბოსტო საწურში ზედმეტი სითხის მოსაშორებლად. მანამდე გაახურეთ ღუმელი 180 გრადუსამდე.
   
3. საცხობ ფორმას შეაზილეთ კარაქი, დაალაგეთ მასზე კომბოსტოს ნაჭრები.
   
4. თასში ათქვიფეთ კვერცხი არაჟნით, დაუმატეთ ნიორი, კამა, მარილი და პილპილი.
   
5. მზა სოუსი მოასხით კომბოსტოს და მოაყარეთ მაგარი ყველი და საფანელი. აცხვეთ 15 წუთით.
   

მზადაა, შეგერგოთ!