საბედნიეროდ, ასტიგმატიზმის გამოვლენა საკმაოდ მარტივია - ეს საშინაო პირობებშიცაა შესაძლებელი. იმისათვის, რომ დროულად აღმოაჩინოთ დეფექტი და შეინარჩუნოთ მხედველობის უნარი, რჩევების რედაქცია გთავაზობთ, გაიაროთ ორი მარტივი ტესტი.
ასტიგმატიზმის კორექცია
ასტიგმატიზმი ჩნდება რქოვანას არასწორი(არასფერული) ფორმის გამო. ნორმალურ მდგომარეობაში, ჯანმრთელი თვალის რქოვანა და ბროლი სწორი სფერული ზედაპირით გვხვდება. ასტიგმატიზმის დროს მატი სფერულობა დარღვეულია.
ხშირად, ასტიგმატიზმი დიაგნოსტირდება ადრეულ სკოლამდელ ან სკოლის ასაკში. ასტიგმატიზმის მქონე ბავშვებს ერთმანეთში ერევათ მსგავსი ასოები და ციფრები, სიტყვებში უცვლიან ადგილებს ასო-ბგერებს. ბავშვი ჩივის არამკვეთრ მხედველობაზე. ასტიგმატიზმის არსებობაზე მეტყველებს სხვა სიმპტომებიც:
- "ქვიშის" შეგრძნება და წვა თვალებში.
- თვალების სიწითლე.
- სილუეტების გაორებულად ან არამკვეთრად დანახვა.
- მხედველობის ფოკუსირების შეუძლებლობა.
- სივრცეში ორიენტირების, ნივთებს შორის მანძილის განსაზღვრის სირთულე.
- თვალების სწრაფი გადაღლა ისეთი მოქმედებებისას, როგორებიცაა წიგნის კითხვა, ტელევიზორის ცქერა, კომპიუტერთან ჯდომა.
- წარბზედა კუნთების ტკივილი, ხშირი თავის ტკივილები.
ასტიგმატიზმი, კორექციის გარეშე, განვითარდება და გამოიწვევს სერიოზულ გართულებებს, ამიტომ აუცილებელია მისი დროული ამოცნობა. გაიარეთ ორი მარტივი სავარჯიშო და დაისვით დიაგნოზი.
- დახუჭეთ ერთი თვალი, მოშორდით მონიტორს 3-5 ნაბიჯით და შეხედეთ წრეს.
- ზოგიერთი სხივი დანარჩენებზე უფრო მუქი ხომ არ ხდება?
- თუ კი, შესაძლოა, თქვენ ასტიგმატიზმი გქონდეთ.
ამ ტესტის გასავლელად მნიშვნელოვანი ფაქტორია მკვეთრი დღის შუქი!
- დახუჭეთ ერთი თვალი, შემდეგ მეორე.
- თუ ყველა ხაზს ერთნაირად შავად ხედავთ, ესეიგი, დიდი ალბათობით, ასტიგმატიზმი არ გაქვთ.
- თუ კვადრატში ყველა ზოლს ერთნაირად შავად ვერ არიქვამთ, თუ ერთი ან მეტი კვადრატი ნაცრისფრად გეჩვენებათ, ასტიგმატიზმი გაქვთ.
