გოგრის ორცხობილა ხაჭოთი
გარწმუნებთ, ამ კერძს ყველა შეჭამს! წვნიანი და არომატული ორცხობილა იჭმება ბოლო ნამცეცამდე. ციტრუსის არომატი და ხრაშუნა თხილის დანამატი ჩვეულებრივ გოგრას სამეფო დესერტად აქცევს. მაშ ასე, ჩაიწერეთ რეცეპტი:
ინგრედიენტები
- 600-700 გ ახალი გოგრა
- 400 გ ხაჭო
- 3 კვერცხი
- 200 გ მანი
- 170 გ შაქარი
- 1 დიდი ფორთოხალი
- 15 გ ვანილის შაქარი
- 0.5 ჩ.კ. სოდა
- 100 გ ნებისმიერი სახის თხილი
- მცენარეული ზეთი ფორმის შესაზელად
მომზადება
- გამოაცხვეთ გოგრა ღუმელში. გააგრილეთ, მოხსენით კანი და მოაჭერით მიმწვარი ადგილები.
- ბლენდერით შეურიეთ გოგრა, ხაჭო, მანი, კვერცხი და 120 გ შაქარი. დაუმატეთ ფორთოხლის კანი, ვანილის შაქარი და სოდა და კიდევ ერთხელ ათქვიფეთ.
- საცხობ ფორმას წაუსვით მცენარეული ზეთი და მოათავსეთ მასზე გოგრისა და ხაჭოს მასა.
- გამოაცხვეთ ღუმელში 180 გრადუსზე, 40-50 წუთით. როცა ნამცხვრის ზედაპირი ფერს შეიცვლის, დაახურეთ პერგამენტი ან ფოლგა.
- სანამ კერძი ღუმელშია, მოამზადეთ თხილის დანამატი. დაწურეთ ფორთოხალი, დაუმატეთ 2ს.კ. წყალი, გაათბეთ სითხე და დაუმატეთ 50 გ შაქარი. მიღებულ სიროფს ურიეთ მანამ, სანამ შაქარი ბოლომდე არ გაიხსნება. შემდეგ დაუმატეთ თხილი და ხარშეთ კიდევ რამდენიმე წუთით.
- მზა ნამცხვარი გამოიღეთ ღუმელიდან(ღუმელი არ გამორთოთ) და მორწყეთ ცხელი სოუსით. შედგით ფორმა ისევ ღუმელში, ფოლგა აღარ დაახუროთ.
- 3 წუთში გამორთეთ ღუმელი და გააჩერეთ ნამცხვარი გასაგრილებლად შიგნით.
