ყველასთვის ცნობილია ციტრუსის სარგებელი, განსაკუთრებით - ლიმონის. მათ გარეშე რთულია სამზარეულოს თუ საშინაო აფთიაქის წარმოდგენა. ლიმონი მდიდარია ვიტამინებითა და ანტიოქსიდანტებით, ამასთან, ხელმისაწვდომია მთელი წლის მანძილზე. თუმცა, იცოდით, რომ ეს მკვეთრი ხილი გაცილებით სასარგებლოა?



დღეს რჩევების რედაქცია მოგიყვებათ, თუ რა უნდა გააკეთოთ ლიმონისგან მაქსიმალური სარგებლის მისაღებად.

ლიმონის სარგებელი ადამიანის ორგანიზმისთვის
ლიმონის წვენი, წყალი თაფლითა და ლიმონით, უბრალოდ ახალი ლიმონი შაქრით - ეს ის რეცეპტებია, რომელსაც ნებისმიერ სახლში იყენებენ. ეს ხილი უკვე მეტია, ვიდრე ჩვევა. მისი სასარგებლო თვისებებიც ბევრმა კარგად იცის - ეს ვიტამინ C-ს ყველაზე მდიდარი წყაროა, შეიცავს უამრავ მინერალს: მაგნიუმს, კალციუმსა და კალიუმს.


ლიმონი ბუნებრივი საშუალებაა, რომელიც აუმჯობესებს იმუნიტეტს და ერთ-ერთ ყველაზე მძლავრ ანტიოქსიდანტად ითვლება. ამ ხილის მოხმარება ზრდის ორგანიზმის უნარს, თავად გაწმინდოს სისხლი და სისხლძარღვები.


თუმცა, როგორც აღმოჩნდა, გაყინული ლიმონი რამდენჯერმე უფრო სასარგებლოა, ვიდრე უმი. მისი მოხმარებისას ხომ ადამიანი ვიტამინების გახუთმაგებულ რაოდენობას იღებს. იგი, პირველ რიგში, დასაფასებელია იმით, რომ იყინება და მოიხმარება კანთან ერთად. ხშირად, ჩვენ კანს ვაგდებთ, არადა სულ ტყუილად. ლიმონის კანი რამდენჯერმე უფრო მეტ ვიტამინს შეიცავს, ვიდრე რბილობი.

რითია სასარგებლო გაყინული ლიმონი

1. იგი წმენდს სისხლს და ასტიმულირებს ორგანიზმიდან შლაკებისა და ტოქსინების გამოდევნას. ამრიგად, გულის უამრავი დაავადების ხელის შეშლა შეიძლება.
   
2. თავისი თვისებების წყალობით, ანადგურებს მავნე ბაქტერიებსა და ვირუსებს.
   
3. გამოდევნის მიკრობებსა და პარაზიტებს კუჭ-ნაწლავის ტრაქტიდან, რითიც აუმჯობესებს მის ფუნქციონირებას. ხელს უწყობს საკვების გადამუშავებასა და საკვები ნივთიერებების უკეთ ათვისებას.
   
4. ხელს უწყობს თირკმლებში კენჭის დაშლას.
   
5. ვიტამინ C-ს მაღალი შემცველობის წყალობით, ანელებს დაბერების პროცესებს და აძლიერებს კოლაგენის გამომუშავებას.
   

ამასთან, არსებობს მოსაზრება, რომ ლიმონი, თავისი შემადგენლობით, უთანაბრდება იმ საშუალებებს, რომლებსაც ქიმიოთერაპიის დროს იყენებენ. აქედან გამომდინარე ვვარაუდობთ, რომ ნივთიერებები, რომლებსაც ლიმონი შეიცავს, ანადგურებენ კიბოს უჯრედებს და ხელს უშლიან ონკოლოგიური დაავადებების გაჩენა-განვითარებას. ამასთან, არ აზიანებს ჯანმრთელ უჯერდებს.


უბრალოდ ეს საკითხი საკმარისად არაა შესწავლილი იმისათვის, რომ დავამტკიცოთ ლიმონის მიერ კიბოს განკურნების უნარი. თუ ეს სიმართლეა, ონკოლოგიური დაავადების მიზეზით სიკვდილიანობის რიცხვი ამდენად საშინელი არ იქნებოდა. არ ღირს თვითმკურნალობა, აუცილებელია კვალიფიციურ სპეციალისტთან კონსულტაციის გავლა.


როგორ გავყინოთ ლიმონი სწორად
რატომაა გაყინული ლიმონი სასარგებლო, უკვე გავარკვიეთ, ახლა იმასაც გეტყვით, როგორ უნდა გაყინოთ იგი სწორად. არსებობს რამდენიმე მეთოდი:

ყველაზე მარტივი მეთოდია - გარეცხეთ ლიმონი, გაამშრალეთ და შედგით საყინულეში რამდენიმე საათით. ამის შემდეგ დახეხეთ ხილი კანიანად. ეს საკმაზი ნებისმიერი კერძისთვის გამოგადგებათ.


შეგიძლიათ გაყინოთ ლიმონის ნაჭრებიც. დაჭერით ლიმონი თხელ ნაჭრებად და დაალაგეთ თეფშზე. შედგით მაცივარში. გაყინული ნაჭრები გამოიყენეთ სასმელების გასაცივებლად. ასევე, გაყინეთ ცალკე წვენი ან ლიმონის ცედრაც.


ამ პროდუქტს ბადალი არ ჰყავს ვიტამინებისა და მინერალების შემცველობაში. აუცილებელია მისი ჩართვა რაციონში და ყოველდღიურად მოხმარება.