შემწვარი ბულგარული წიწაკა ნივრით - მადისაღმძვრელი, პიკანტური და არომატული მისაყოლებელია ნებისმიერ სუფრაზე თუ პიკნიკზე. ეს ბალკანეთის ტრადიციული კერძია - რეგიონისა, რომელიც მდიდარია ბოსტნეულით, სადაც მხოლოდ და მხოლოდ სასარგებლო საკვებს ამზადებენ ნატურალური პროდუქტებისგან. ფანტასტიკურად გემრიელი შემწვარი ბულგარული წიწაკა იდეალურია მაგარ სასმელებთან მისაყოლებლადაც. ზაფხულში კი მწვადებთან ან ახალ კარტოფილთან.

ამ კერძისთვის ნებისმიერი ჯიშის წიწაკა გამოგადგებათ. თუ ბულგარული წიწაკა გიყვართ, ეს რეცეპტი თქვენთვისაა. სწრაფი და გემრიელი კერძი, რომლის მომზადებასაც დამწყები კულინარიც გაუმკლავდება.



შემწვარი წიწაკა
წინასწარ გაფრთხილებთ: მომზადების დროს გაჩენილი არომატი ცხოველურ მადას გაგიღვიძებთ.

ინგრედიენტები

• 1 კგ ბულგარული წიწაკა
  
• 2 ს.კ. მცენარეული ზეთი
  
• 3 კბილი ნიორი
  
• 2 ჩ.კ. შაქარი
  
• 1 ს.კ. ძმარი
  
• ნიახური და კამა
  
• მარილი გემოვნებით
  

მომზადება

1. გარეცხეთ წიწაკა და მოაშორეთ წყლის წვეთები ხელსახოცით. ეს დაგიცავთ ზეთის შხეფებისგან და დამწვრობისგან.
   
2. გაცხელებულ ტაფაზე მოასხით მცენარეული ზეთი, დაალაგეთ წიწაკები მთლიანად და ამზადეთ 20 წუთით, დახურულ ტაფაზე. პერიოდულად აბრუნეთ წიწაკები, რათა ყველა მხარე შეიბრაწოს.
   
   
   
3. მზა წიწაკა უნდა იყოს რბილი, ბრტყელი და შებრაწული. გადმოალაგეთ ისინი თეფშზე და მოხსენით კანი. მოაშორეთ შიგთავსი.
   
   
   
4. ტაფაზე დარჩენილი წვენი სოუსისთვის შეინახეთ. დაჭყლიტეთ ნიორი, დაუმატეთ ძმარი, მარილი, შაქარი, დაჭრილი მწვანილი და მოასხით წვენი.
   
   
   
5. მორწყეთ წიწაკა მიღებული სოუსით. შეგიძლიათ მიირთვათ ცხელი, ან გააჩეროთ მაცივარში.
   
   

მორთეთ თქვენი გემოვნებით. გემრიელად მიირთვით!