რჩევების რედაქცია გთავაზობთ გოგრის რიზოტოს რეცეპტს. ბრინჯი გოგრასთან იდეალურად კომბინირდება: ბრინჯი იწოვს ყველა ინგრედიენტის გემოსა და არომატს, გოგრა კი თავისი კონსისტენციით გაამებთ.
ინგრედიენტები
- 200 გ გოგრა
- 200 გ ბრინჯი
- 1/2 თავი ხახვი
- 50 გ ზეითუნის ზეთი
- 4 კბილი ნიორი
- 50 გ კარაქი
- 50 გ პარმეზანი
- 1 ლ მდუღარე წყალი ან ცხელი ბულიონი (ბოსტნეულის ან ქათმის)
- მარილი, წიწაკა გემოვნებით
- გაწმინდეთ გოგრა და დაჭერით მომცრო კუბიკებად, წვრილად დანაყეთ ნიორი და დაჭერით ნახევარი თავი ხახვი.
- გაცხელებულ ტაფაზე დაასხით ზეითუნის ზეთი და შეწვით გოგრის კუბები 7-10 წუთის მანძილზე. გოგრა ოდნავ უნდა შეიბრაწოს.
- მიწიეთ გოგრა ერთ მხარეს, დაუმატეთ კიდევ ცოტა ზეითუნის ზეთი და შეწვით იმავე ტაფაზე ნიორი და ხახვი, გამჭვირვალობამდე.
- ტაფაში ჩაყარეთ ბრინჯი, მოაყარეთ მარილი და წიწაკა. სანამ ბრინჯი იწოვს ნივრისა და ხახვის არომატს, მოამზადეთ ბულიონი ან მდუღარე წყალი.
- დაიწყეთ ტაფაში ნელ-ნელა სითხის ჩასხმა, მუდმივად ურიეთ. ჯერ ჩაასხით პირთამდე და დაელოდეთ. როცა სითხე შეიწოვება, კიდევ დაამატეთ და მოიქეცით ასე მანამ, სანამ ბრინჯი თითქმის მზად არ იქნება (თუ ამრცვლები რბილია, გული კი -მაგარი, რიზოტო თითქმის მზადაა), ამას 25-30 წუთი დასჭირდება.
- როცა მასა სქელი და ერთგვაროვანი გახდება, გამორთეთ ცეცხლი და დაუმატეთ კარაქი - იგი ტექსტურას კრემისებრს და უფრო ნაზს გახდის.
- მზა რიზოტო გოგრით მოათავსეთ თეფშებზე, მოაყარეთ დახეხილი პარმეზანი და მორთეთ როზმარინის ღეროთი.
