დღეს გთავაზობთ ექიმი ალექსანდრე შიშონინის მიერ შემუშავებულ მეთოდს ჰიპერტონიის სამკურნალოდ. მისი მეთოდი გულისხმობს ტანვარჯიშს სახისა და კისრისთვის, რომელიც მოაგვარებს თვითონ მიზეზს ჰიპერტონიისა და არა სიმპტომებს.
კისრის ტანვარჯიში ექიმი შიშონინისგან
როგორც ამას თვით ექიმი ხსნის, კუნთოვანი სპაზმა ავიწროვებს სისხლძარღვს, რის შედეგადაც მასში შემავალი სისხლი მცირდება. იმისათვის, რომ ჟანგბადის აუცილებელი დოზა მიიღოს, ტვინი გულს აძლევს სიგნალს, გამოუშვას უფრო მეტი სისხლი. შედეგად, გული უფრო სწრაფად მუშაობს, რათა ვიწრო სისხლძარღვებში საკმარისი ოდენობის სისხლმა გაიაროს, ამიტომ წნევა იმატებს. ასე ვითარდება ჰიპერტონიული დაავადება.
როცა ჰიპერტონიკისთვის სტრესული სიტუაცია იქმნება, მისი წნევაც იმატებს. ამ მომენტში წნევამ, შესაძლოა, კრიტიკულ ზღურბლს მიაღწიოს, სწორედ ეს იწვევს ინსულტს.
ექიმი დარწმუნებულია, რომ თუ აქტიური ცხოვრების წესს მიჰყვებით, სპაზმები აღარ წარმოიქმნება. თუმცა, უკვე არსებული პრობლემის აღმოფხვრაც შესაძლებელია სწორი სავარჯიშოების გამოყენებით. ამისათვის, ალექსანდრე შიშონინმა შეიმუშავა სპეციალური მარტივი სავარჯიშოები კისრისთვის.
- მეტრონომი
პირველი სავარჯიშო - თავის ნელი გადახრები მხრებისკენ. გაასწორეთ ზურგი და ნელა დახარეთ თავი მარჯვენა მხრისკენ. ამ მდგომარეობაში გაჩერდით 30 წამით, შემდეგ გაიმეორეთ მარცხენა მხარესაც. შეასრულეთ ხუთჯერ.
- ზამბარა
დახარეთ თავი მაქსიმალურად წინ, ნიკაპი წაიღეთ მკერდისკენ. შემდეგ ტალღოვნად გაწელეთ კისერი წინ და ზემოთ, გაიმეორეთ ხუთჯერ.
- ყანჩა
ამ სავარჯიშოს დროს მუშავდება ხერხემლის მკერდისა და კისრის მონაკვეთების კუნთები. დაჯექით, გაასწორეთ ზურგი, ხელები დაიდეთ მუხლებზე. ნელ-ნელა გადაიტანეთ ხელები ზურგს უკან, ამავდროულად აწიეთ ნიკაპი ზემოთ. ფრთხილად დაჭიმეთ კუნთები და გაჩერდით 30 წამით. გაიმეორეთ ხუთჯერ.
- მზერა ცისკენ
გადააგდეთ თავი ზემოთ, შემდეგ კი ნელ-ნელა დაიწყეთ მობრუნება ერთი მხრიდან მეორისკენ. გაიმეორეთ ექვსჯერ.
- ფაკირი
ეს სავარჯიშო, ნაწილობრივ, იმეორებს წინას. წამოწიეთ იდაყვში მოხრილი ხელები და შეაერთეთ თავს ზემოთ. ნელა მოაბრუნეთ თავი მარჯვნივ და მარცხნივ, გაჩერდით ამ მდგომარეობაში 15-30 წამით. გაიმეორეთ ექვსჯერ.
- ჩარჩო
ეს სავარჯიშო ეფექტურია ხერხემლის კისრისა და მკერდის მონაკვეთების ოსტეოქონდროზის დროს. დაიდეთ მარცხენა ხელი მარჯვენა მხარზე, ნელა მოაბრუნეთ თავი მარცხნივ. გაჩერდით ამ მდგომარეობაში 30 წამით. გაიმეორეთ საწინააღმდეგო მხარესაც. შეასრულეთ სავარჯიშო ხუთჯერ.
- მოწყენილობა
დადეთ თავი მარცხენა მხარზე 10 წამით, შემდეგ გაიმეორეთ მარცხენა მხარესაც.
- თვითმფრინავი
გაწიეთ ხელები სხვადასხვა მხარეს. არ მოხაროთ იდაყვებში. ყოველ მეათე წამზე ჩამოუშვით კიდურები წამიერად, შემდეგ გაიმეორეთ თავიდან.
- ხე
წამოწიეთ ხელები ისე, რომ ხელის გულები ჭერის პარალელურად იყოს, თითები კი ოდნავ ეხებოდეს ერთმანეთს. ყოველ მეათე წამს ცოტახნით ჩამოუშვით ხელები და გაიმეორეთ სავარჯიშო რამდენჯერმე.
