რჩევების რედაქცია მოგიყვებათ კუჭის წყლულის პირველ ნიშნებზე. წაიკითხეთ და დაიმახსოვრეთ!
- წვის შეგრძნება
ეს შეგრძნება ყველას აქვს და, ხშირად, მის უკან არაფერი სერიოზული არ დგას. თუმცა, თუ წვას გულის არეში მუდმივად გრძნობთ, ეს შეწუხების საბაბია, რადგან რეგულარული წვა წყლულოვანი დაავადების ერთ-ერთი ძირითადი სიმპტომია. - დაუკმაყოფილებელი წყურვილი
მოუკვლელი წყურვილი და პირის სიმშრალე რამდენიმე დაავადების სიმპტომია, მათ შორის - კუჭის წყლულისა. თუ შეამჩნიეთ, რომ სულ უფრო მეტ წყალს სვამთ, დროა, ჩაეწეროთ სპეციალისტთან. - მწვავე ტკივილების შეტევა
კუჭის პრობლემები, პირველ რიგში, თავს იჩენს მუცლის მწვავე ტკივილებით. მუცლის ქვედა ნაწილის ან ნეკნებქვეშა მონაკვეთის უეცარი ტკივილი საყურადღებოა. - ნაწლავების ფუნქციონირების დარღვევა
უნდა მიმართოთ ექიმს, თუ მუცლის ხშირი შებერილობა და ყაბზობა გაწუხებთ: ისინი ნაწლავების ფუნქციის დაქვეითებაზე მიუთითებს, რაც, თავის მხრიც, შესაძლოა წყლულოვანი დაავადების ნიშანი იყოს. - სიმძიმის შეგრძნება საკვების მიღების შემდეგ
წყლული, რომელიც სწორედ კუჭში ვითარდება, თავს იჩენს სიმძიმითა და მუცლის არეში მტკივნეული შეგრძნებებით საჭმლის ყოველი მიღების შემდეგ. - ტკივილი მშიერ კუჭზე
ხანდახან, შიმშილის გრძნობას თან ახლავს ტკივილი, რომელიც მხოლოდ საკვების მიღების შემდეგ მშვიდდება - ასეთი რამ ერთხელ მაინც უგრძვნია ყველას. თუმცა, როცა ეს რეგულარულ სახეს იღებს, დროა, იზრუნოთ საკუთარ ჯანმრთელობაზე. - გულისრევა
წყლულის განვითარების კიდევ ერთი ნიშანია გულისრევა. თუ თქვენ რამდენიმე დღის მანძილზე ყოველგვარ მიზეზგარეშე გერევათ გული და ამას ღებინება მოჰყვება, აუცილებლად მიმართეთ კლინიკას. - წონაში კლება
ზემოაღნიშნული სიმპტომების აღმოჩენის შემთხვევაში, მიმართეთ გასტროენტეროლოგს გამოკვლევებისთვის.
