ნივრის სასარგებლო თვისებებზე ჯერ კიდევ შუმერებისთვისაც იყო ცნობილი. მათ მცენარის გამოყენება ძვ.წ. 2300 წლიდან დაიწყეს სიცხის, სიმსივნეებისა და მოწამლვის სამკურნალოდ. ცნობილია, რომ 1922 წელს, ტუტანჰამონის საფლავის გათხრისას, რომელიც ძვ.წ. 1300 წლითაა დათარიღებული, აღმოაჩინეს ნივრის თავი.



ნიორში შემავალი ნივთიერება ალიცინი - ბუნებრივი ანტიბიოტიკია, რომელიც უმკლავდება ანთებას, ამარცხებს დაავადების გამომწვევ ბაქტერიებს, აძლიერებს იმუნიტეტს. თუ ამა თუ იმ სახით ნიორს ყოველდღე მიირთმევთ, წნევა 15 ერთეულით დაიკლებს.



ნიორი, რომელიც ოთახის ტემპერატურაზე ინახება, 8 თვეში კარგავს ფიტოციდურ თვისებებს. იმისათვის, რომ მისი თვისებები შევინარჩუნოთ და გავაძლიეროთ, ხალხური მედიცინა გვთავაზობს ნაყენებისა და ელექსირების სხვადასხვა რეცეპტს ნივრის გამოყენებით.

ნივრის ნაყენი სპირტით

1. დაჭყლიტეთ 350 გ სუფთა ნიორი(ამოაცალეთ გულებიც). დაუმატეთ მიღებულ ფაფას 200 მლ სამედიცინო სპირტი. გადაასხით ბოთლში, მჭიდროდ დაახურეთ და გააჩერეთ 10 დღით ბნელ ადგილას. ამის შემდეგ გაწურეთ და გააჩერეთ კიდევ 3 დღე. მიიღეთ ცივ რძესთან ერთად(30 გ 1 მიღებაზე) ყოველდღე, ჭამამდე, 10 დღის მანძილზე.
   
   
   
   ეს საშუალება წმენდს ორგანიზმს ჭარბი ცხიმებისა და ცხიმოვანი ფენებისგან, წმენდს სისხლძარღვებს, დევნის პარაზიტებს, აუმჯობესებს ნივთიერებათა მიმოცვლას, აძლიერებს იმუნიტეტს.
   
   
   
   
2. ნივრის ნაყენი წითელ ღვინოზე
   აიღეთ 12 კბილი ნიორი და 750 წითელი მშრალი ღვინო. გამოიყენეთ მხოლოდ ნატურალური ღვინო და ნიორი, არაიმპორტირებული. ყოველი კბილი ნიორი დაჭერით 4 ნაწილად და მოათავსეთ შუშის გამჭვირვალე ქილაში, დაასხით ღვინო, დაახურეთ. დადგით ფანჯარაზე 2 კვირით.
   ყოველდღე შეანჯღრიეთ. დროის გასვლის შემდეგ გაწურეთ და მოათავსეთ ბნელ ჭურჭელში. მიღებამდე ისევ გაწურეთ. მიიღეთ 1 ჩ.კ. ჭამამდე 5-6 წუთით ადრე, 30 დღის მანძილზე.
   
   
   
   ღვინო და ნიორი აძლიერებს ერთმანეთის სასარგებლო თვისებებს. ნაყენი დევნის ორგანიზმიდან მარილებს, აძლიერებს გულის სისხლძარღვებს, აძლიერებს იმუნიტეტს, ხელს უწყობს სისხლის შედედებას და წმენდს სისხლის შემადგენლობას.
   
   
   
   
3. ლიმონით, თაფლისა და ნივრის ნაყენი
   დაჭყლიტეთ 4 თავი ნიორი, კუბებად დაჭერით 6 ც ლიმონი. შეურიეთ ამ ყველაფერს 200 გ თაფლი. მიღებული მასა მოათავსეთ სამლიტრიან ქილაში და გაავსეთ მდუღარე წყლით. გააჩერეთ მაცივარში 4 დღით. მიირთვით საუზმემდე 20 წუთით ადრე. დაიწყეთ 1/4ჭიქით, შემდეგ გაზარდეთ დოზა ჭიქის ნახევრამდე.
   
   
   
   ნიორი ლიმონთან ერთად ამცირებს ქოლესტერინის დონეს, წმენდს სისხლძარღვებს, აუმჯობესებს გულის ფუნქციონირებას, გაშორებთ ქოშინს, ზრდის ორგანიზმის საერთო ტონუსს.
   
   
   

ნივრის ყველა ნაყენისთვის არსებობს უკუჩვენებები: კუჭის დაავადებების, გასტრიტის ან წყლულის მქონე ადამიანებისთვის. იგი არაა რეკომენდებული ფეხმძიმეთათვის და დედებისთვის, ლაქტაციის პერიოდში.