​როგორი სამწუხაროა, რომ რამდენიმე დღის შემდეგ ყველაზე ლამაზი და სიყვარულით ნაჩუქარი თაიგულიც კი ჭკნება. თუმცა ეს იმას არ ნიშნავს, რომ საყვარელი ადამიანები ახალმოჭრილი ვარდებით აღარ უნდა გავახაროთ! გპირდებით, ნაჩუქარი ვარდები თავისი ყვავილობით გულს დიდხანს გაგიხარებთ, თუ სწორად და დროულად დანერგავთ. 

მებაღეების თქმით, მსგავსი ხრიკი მხოლოდ ახალგაზრდა მცენარეებს მოქმედებს, ხოლო ვარდის, რომელიც 1 კვირაში ვაზაში გქონდათ და უკვე დაჭკნა, შანსი ძალიან მცირეა. არავის მოუსმინო! "რჩევების" რედაქციის საიდუმლო რეცეპტი ყველაზე დამჭკნარ ვარდსაც ყვავილობას აიძულებს. 

როგორ გავზარდოთ ვარდი კალმებიდან

როგორ გავზარდოთ ვარდი სახლის პირობებში? ძალიან მარტივია! ყველაზე მარტივი მეთოდი თაიგულიდან სურნელოვანი ვარდი გაზარდოთ - ეფექტური და მისაღები რეცეპტის გამოყენება, რომლის დახმარებით მებაღეები მსხვილი კალმიდან ყვავილის გაზრდას შეძლებენ. ინგრედიენტები მოამზადეთ და მოთმინება იქონიეთ - ვარდები კი თავისი ხელმეორე ყვავილობით დაგაჯილდოვებენ!

ინგრედიენტები

• 1 ჩ/კ თაფლი
  
  
• 2 ჩ/კ ალოეს წვენი
  
  
• 1 ჩ/კ ხის ნაცარი
  
  
• 120 მლ დაყენებული წყალი
  
  
• ნიადაგი დასარგავად
  

​

როგორ მოვამზადოთ და გამოვიყენოთ

1. პირველ რიგში, რაც უნდა გააკეთოთ - კალამი მოამზადეთ ყვავილი სწორი კუთხით გადაჭერით, მხოლოდ ღეროს ზედა ნაწილი 3-4 კვირტით და რამდენიმე ფოთლით დაიტოვეთ. ქვედა ჭრილი დახრილი გააკეთეთ. 



2. თაფლი, ალოე და ნაცარი ერთმანეთს აურიეთ, შემდეგ ნარევს 120 მლ დამდგარი წყალი დაასხით. კალამი ამ მკვებავ ხსნარში მოათავსეთ ნახევარი დღით. გაითვალისწინეთ, რომ რაც უფრო ცუდი მდგომარეობაა, აღსადგენად მით უფრო მეტი დრო არის საჭირო. 



3. დროის გასვლის შემდეგ კალამი ამოიღეთ და ნეშომპალით მდიდარ ნიადაგში გადარგეთ. 



4. დარგული კალმები უნდა დაფაროთ, რომ არ გამოშრეს. პლასტმასის ბოთლი ან გამჭირვალე პოლიეთილენის პარკი გამოდგება. კალმის ქოთნები თბილ ადგილას დადგით, დრო და დრო პაკეტი მოხსენით, რომ მცენარემ ჟანგბადის საჭირო დოზა მიიღოს. 

არ დაგავიწყდეთ, რომ საჭიროების შემთხვევაში მშრალი ნიადაგი უნდა დაატენიანოთ. როდის გაღვივდება კალამი? ყველაფერი ტემპერატურასა და მცენარის დარგვამდე მდგომარეობაზე არის დამოკიდებული, მაგრამ საშუალოდ 40-45 დღე არის საჭირო. 



5. როგორც კი ვარდი ფესვებს სათანადოდ გამოიღებს, შეგიძლიათ ბაღში გადარგათ ან ყვავილები სახლში დატოვოთ და მისი არომატით დატკბეთ. 



თაიგულიდან ვარდის სახლის პირობებში გაზრდა რთული არაა. სასიამოვნო და სრულიად მარტივი საქმე ბაღში ან თაროზე კიდევ ერთი შესანიშნავი ყვავილის გამოჩენის გარანტიას გაძლევთ. ეს საყვარელი ადამიანის მიერ ნაჩუქარი ყვავილისთვის მეორე სიცოცხლის მინიჭების ყველაზე მარტივი მეთოდია!

თქვენ სახლის პირობებში ვარდის კალმით გაზრდის რა მეთოდები იცით? აუცილებლად ეს ცხოვრებისეული ხრიკი თქვენს მეგობრებს გაუზიარეთ.