ფიტოთერაპია მარილების გამოდევნის ყველაზე ეფექტური საშუალებაა. ამ მიზნით წარმატებით გამოიყენება, ჩაი, ნაყენი ნახარში და წვენი.

ფერისცვალას ყვავილედის ნაყენი

ინგრედიენტები:

• ფერისცვალას ყვავილედი - ქილგა - 1 ცალი
  მომზადების წესი: ყვავილედი დავაქუცმაცოთ, დავასხათ 200 მლ მდუღარე წყალი და გავაჩეროთ. მივიღოთ 1/4 ჭიქა დღეში (რამდენიმე მიღებაზე განაწილებული). ნაყენს ორგანიზმიდან გამოყავს ტუტე მარილები, აუმჯობესებს თირკმლების მუშაობას, კურნავს ოსტეოქონდროზს, კარგია კატარაქტის დროსაც.
  
  ჩვეულებრივი მატიტელას, მარწყვის და მოცხარის ფოთლების ნაყენი
  ინგრედიენტები:
  
• მატიტელას ბალახი - 1 ს/კ
  
• მარწყვის ფოთოლი - 2 ს/კ
  
• მოცხარის ფოთოლი - 2 ს/კ
  
  მომზადების წესი: ინგრედიენტები დავაქუცმაცოთ, შევურიოთ ერთმანეთს, დავასხათ 200 მლ მდუღარე წყალი და დავაყენოთ 30 წთ.
  დღის განმავლობაში მივიღოთ 1/4 ჭიქა ნაყენი - რამოდენიმე მიღებაზე მკურნალობის კურსი - 1 თვე. ერთკვირიანი მკურნალობის შემდეგ კურსი გავიმეოროთ. ნაყენი გამიზნულია ურატების გამოსაყვანად.
  
  ვაზის ულვაშის ნაყენი და ვაზის ახალგაზრდა ყლორტების ჩაი
  
  ინგრედიენტები:
  
• 1 ჩ/კ დაქუცმაცებული ვაზის ულვაში.
  

მომზადების წესი: ნედლეულს დავასხათ 200 მლ მდუღარე წყალი და დავაყენოთ 30 წთ. მივიღოთ 1/4 ჭიქა 4-ჯერ დღეში. მკურნალობის კურსი - 3-4 კვირა. 10 დღიანი შესვენების შემდეგ კურსი გავიმეოროთ. ნაყენი განაპირობებს ოქსალტების გახსნას და გამოყოფას. ვაზის ულვაში შეიძლება შეიცვალოს ახალგაზრდა ტოტებით (გასხვლის დროს).