» » » იმუნიტეტის ასამაღლებლად ხშირად მიმართავენ ამ გზას...

იმუნიტეტის ასამაღლებლად ხშირად მიმართავენ ამ გზას...

იმუნიტეტი - ესაა ორგანიზმის უნარი გამოიმუშაოს ანტისხეული მიკრობების და უცხო უჯრედების მიმართ. ზოგჯერ ხანგრძლივი ავადმყოფობის, ოპერაციის, არახელსაყრელი ეკოლოგიური პირობების დროს შეიძლება ადგილი ქონდეს იმუნური სისტემის დაქვეითებას. იმუნიტეტის დაქვეითება გამომჟღავნდება ისეთი მოვლენებით, როგორიცაა ხშირი გაციება, ანგინა, ფურუნკულოზი, ჰაიმორიტი, ჰერპესი, ნაწლავური ინფექციები, ტემპერატურის აწევა.

იმუნიტეტის ასამაღლებლად ხშირად იყენებენ მცენარეულ და ცხოველურ საკვებ დანამატებს - ექინაცეას, ნიორს, ელეუტეროკოკს, დინდგელს, ფუტკრის რძეს. აფთიაქებში შეიძლება შევიძინოთ იმუნიტეტის ასამაღლებელი თანამედროვე პრეპარატები (დამზადებული ბუნებრივ კომპონენტებზე ) - აფლუბინი, ანტიგრიპინი, ბიტნერის ბალზამი, ინფლუციდი, იმუნალი, ექინაცეას ნაყენი და სხვ. დავაადების პროფილაქტიკის მიზნით ასევე იხმარება სხვადასხვა ხალხური საშუალებებიც.

  • გაციების პირველი სიმპტომისთანავე გამოიყენეთ ასეთი რეცეპტი: 1 ს/კ კონიაკს შეურიოთ 1 ს/კ შაქართან გასრესილი ჟოლო, 1 ს/კ თაფლი და ნახევარი ლიმნის წვენი. ნარევს დავასხათ მდუღარე წყალი, მოურიოთ და დავლიოთ მცირე ყლუპებით ძილის წინ.

  • დავაქუცმაცოთ ხახვი და შეურიოთ თანაბარი რაოდენობით თაფლს. მივიღოთ 1 ს/კ 1-2-ჯერ დღეში, ავადმყოფობის დროს 3-4 -ჯერ დღეში.

  • ნახევარი თავი ნიორი წვრილად დავჭრათ ნახევარ ლიმონთან ერთად, დავასხათ 2 ჭიქა მდუღარე წყალი და გავაჩეროთ 1 დღე-ღამე შევინახოთ მაცივარში. მივიღოთ დილით უზმოზე 1 ს/კ-ით.

  • ყოველდღე დავლიოთ 2-3 ფინჯანი ჩაი ლიმონით, შავი მოცხარით და ასკილით.

  • 1.5 ჭიქა ქიშმიში, 2 ლიმონი, 1 ჭიქა ნიგოზი, 1/2 ჭიქა ნუში გავატაროთ ხორცსაკეპ მანქანაში და დაუმატოთ 1/2 ჭიქა თხიერი თაფლი. დავაყენოთ 1-2 დღე ბნელ ადგილას. შევინახოთ მაცივარში. მივიღოთ 1-2 ს/კ 3-ჯერ დღეში 1 სთ-ით ადრე ჭამამდე.

  • ხალხური მედიცინაში იმუნიტეტის ასაწევად ხშირად იყენებენ ნიგოზს. გავატაროთ ხორცსაკეპ მანქანაში ნიგოზი და დაუმატოთ ტოლი პროპორციით შაქარი და დავაყენოთ ბნელ ადგილას 1 თვე. მივიღოთ 1 ჩ/კ 3-ჯერ დღეში 20 წთ-ით ადრე ჭამამდე 10 დღის განმავლობაში.

  • 1 ს/კ ქრისტესისხლას ბალახს დავასხათ 1 ჭიქა მდუღარე წყალი. მივიღოთ შემთბარი 1/3 ჭიქა 3-ჯერ დღეში.

  • ავიღოთ 2 წილი შვრია, ბრტყელეკალას ფოთლები - 2 წილი, ბაღის პიტნის ფოთლები - 1 წილი, დილის კამა - 1 წილი. 1 ს/კ ნარევს დავასხათ 1 ჭიქა მდუღარე წყალი და დავაყენოთ 20 წთ. მივიღოთ 1/2 ჭიქა 3-4-ჯერ დღეში ჭამის წინ.

  • ავიღოთ 625 გრ მაისის თაფლი, 375 გრ ალოეს ფოთოლი, 500 გრ კაგორი. ალოე გავატაროთ ხორცსაკეპ მანქანაში, დაუმატოთ თაფლი და კაგორი, დავაყენოთ გრილადგილას 5 დღე.
    პირველი 5 დღე მივიღოთ 1 ჩ/კ 3-ჯერ დღეში, შემდეგ 1 ს/კ 3-ჯერ დღეში 1 სთ-ით ადრე ჭამამდე. მკურნალობის კურსი 1,5 თვე.

ინფორმაცია
თქვენ შემოხვედით როგორც სტუმარი ამიტომ არ გაქვთ კომენტარის დაწერის უფლება.კომენტარის წერის უფლების მოსაპოვებლად საკმარისა გაიაროთ რეგისტრაცია. თუ რეგისტრაცია უკვე გავლილი გაქვთ მაშინ გაიარეთ ავტორიაცია.