მართალია, ბაბუაწვერა არ მიეკუთვნება ბოსტნეულს, მაგრამ ყოველი ბოსტანი, ღობის კიდეები თუ ეზოს სხვა კუთხეები სავსეა ამ მცენარით და მისი მნიშვნელობის გამო საჭიროდ ჩავთვალე მომეყვანა აქ. სხვათაშორის ევროპის თითქმის ყველა და მსოფლიოს უამრავ ქვეყანაში ბაბუაწვერას ფოთლები იყიდება მარკეტებში და იხმარება საკვებად, როგორც ფხალი. ფოთლები და ყვავილები კაროტონიდებს შეიცავენ. ფესვებში აღმოჩენილია: სტერინი, ინულინი, ნიკოტინის მჟავა, ფისები, კაუჩუკი და ცხიმი. ბაბუაწვერას ფესვებს და ბალახს იყენებენ როგორც მადის მომგვრელ საშუალებას, ასევე იყენებენ ანაციდური გასტრიტის დროს საჭმლის მომნელებელი ჯირკვლების სეკრეციის მოსამატებლად.



ბაბუაწვერას წვენი ითვლება ერთ-ერთ საუკეთესო სრულფასოვან მატონიზებულ და გამაძლიერებელ საშუალებად, ის აუცილებელია ორგანიზმის მაღალმჟავიანობის გასანეიტრალებლად და ტუტე რეაქციის ნორმალიზაციისათვის. ცოცხალი წვენი, მიღებული ბაბუაწვერის ფოთლებისა და ფესვებისგან, შერეული სტაფილოსა და თალგამის ფოთლების წვენებთან ძალიან კარგი სამკურნალო საშუალებაა ხერხემლისა და სხვა ძვლების სხვადასხვა სახის დაავადებების დროს. ასევე ამაგრებს კბილებს, ხელს უშლის მათ დაშლას და პაროდონტოზის ჩამოყალიბებას.



მიღება:
ბაბუაწვერას ფოთლების წვენი მიიღეთ 50 მლ 2-ჯერ დღეში გასტრიტის, საერთო სისუსტის, სიყვითლის, შარდის ბუშტის ანთების, ანემიის დროს. წვენი, ასევე, შეგიძლიათ წაისვათ კოჟრებზე, მეჭეჭებზე, ჭორფლზე და პიგმენტურ ლაქებზე.