ჰაიმორიტი ზედა ყბის წიაღის ლორწოვანას ანთებაა. ერთი შეხედვით ჰაიმორიტი ჩვეულებრივი სურდოს მსგავსია: ცხვირი გაჭედილია ლორწოთი, სუნთქვა გაძნელებულია, დამახასიათებელია თავის ტკივილი. მაგრამ მწვავე ჰაიმორიტის დროს ცხვირიდან ლორწოს უხვი გამონადენის გარდა, ავადმყოფი გრძნობს რაღაც სიმძიმეს ცხვირის ფუძისა და ზედა ყბის გარშემო, ტკივილებს კისრისა და შუბლის არეში.
ზოგჯერ ჰაიმორიტი ვლინდება როგორც ინფექციური დაავადებების - წითელას, ქუნთრუშას, დიფტერიის შემდგომი გართულება.
ჩირქოვანი ჰაიმორიტი - სერიოზული საფრთხეა ადამიანის სიცოცხლისათვის.

გთავაზობთ მრავალჯერ ნაცად ხალხურ რეცეპტს ჰაიმორიტის სამკურნალოდ.

დაგჭირდებათ:

• 2 ს/კ წყლის იელი
  
• 2 ს/კ ზეთი
  

მომზადების და გამოყენების წესი:
აიღეთ წყლის იელი (ზამთარში - გამომშრალი, ხმელი, ზაფხულში - ნედლი), დაასხით ზეთი, მჭიდროდ დაახურეთ თავზე და ძალიან დაბალ ცეცხლზე ხარშეთ 40 წუთის განმავლობაში. გადმოდგით, გააცივეთ ისე, რომ თავსახური არ მოხადოთ და 2 საათის შემდეგ გადაწურეთ. ვიდრე მკურნალობას შეუდგებოდეთ, ჰაიმორის წიაღების არეში დაიდეთ თოფრაკი, რომელშიც გახურებული მარილი ყრია, რომ გაფართოვდეს. მერე კი თითოეულ ნესტოში 3-4 წვეთი წამალი ჩაიწვეთეთ. ეს პროცედურა უნდა ჩაიტაროთ დღეში 2-ჯერ, სააბაზანოში, ნიჟარასთან, რადგან ამ ზეთის ჩაწვეთების შემდეგ ცხვირიდან გამონადენი უხვად დაიწყებს დენას. მე 5 პროცედურა მეყო - დამავიწყდა კიდეც, ჰაიმორიტი რა არის.