ამ წამლის მომზადება მართმადიდებელმა მღვდელმა მასწავლა. იგი შესანიშნავი საშუალებაა კიბოსწინარე დაავადებებისგან თავის დასაცავად, - ისეთებისა, ხალხში კეთილთვისებიან სიმსივნეებს რომ უწოდებენ. მისი მიღება ყველას შეუძლია, რათა კიბოსწინარე დაავადებები ავთვისებიან წარმონაქმნებად არ გადაგვარდეს. წამლისთვის საჭიროა ოროვანდის ფოთლები, მაგრამ თუ შეატყვეთ, რომ საკმარისი რაოდენობით ვერ მოაგროვეთ, შეგიძლიათ ღეროებიც მიამატოთ. უმჯობესია, ფოთლები დაკრიფოთ მცენარის აყვავებამდე, მაისში ან ივნისის დასაწყისში, წვიმის შემდეგ - ნაწვიმარზე წვენი ფოთლებში გაცილებით მეტია. მოგროვილ ფოთლებს ნუ გარეცხავთ, - დოლბანდით ან რაიმე სუფთა ნაჭრით გაწმინდეთ და ისე გაატარეთ ხორცსაკეპ მანქანაში. გატარებული მასა კი გამოწურეთ. აუცილებელია იმდენი მცენარე, რომ 4 ლიტრი წვენი მოგიგროვდეთ.



რეცეპტისთვის დაგჭირდებათ:

• ოროვანდის წვენი
  
• 0,5 კგ მაისის თაფლი
  
• 0,5 ლ სამედიცინო სპირტი
  

მომზადების და გამოყენების წესი:
ოროვანდის წვენს უნდა დაამატოთ მაისის საუკეთესო თაფლი და სამედიცინო სპირტი, კარგად აურიოთ და მაცივარში შედგათ. სვით თითო სადილის კოვზი დღეში 3-ჯერ, ჭამამდე 15-20 წუთით ადრე, ვიდრე არ გათავდება.