უმარტივესი ერთუჯრედიანი - ადამიანის ტრიქომონასი ხშირად ისე ცხოვრობს ადამიანის ნაწლავებში, რომ არ იწვევს ავადმყოფურ მოვლენებს. ეს არის ე.წ. პარაზიტის მტარებლობა. ძლიერ იშვიათად მან შეიძლება გამოიწვიოს დაავადება, რომელიც ფაღარათობით გამოიხატება. დიაგნოზი დაისმის ახლად გამოყოფილი განავლის მიკროსკოპით გამოკვლევისას ტრიქომონასის ნახვით.
ასკარიდა მრგვალი ჭიაა, რომელიც გარეგნულად ჭიაყელას წააგავს. მდედრი 25-40 სმ სიგრძისაა , მამრი კი უფრო პატარაა - 15-20 სმ სიგრძის. პარაზიტი ადამიანის წვრილი ნაწლავის სანათურში ცხოვრობს და დღეში 250 000-მდე კვერცხს დებს, განავალს გამოჰყვება და გარემოში კვერცხი მწიფდება. თუ ადამიანმა ასეთი მომწიფებული კვერცხი ჩაყლაპა, მის ნაწლავებში მიკროსკოპიული ზომის მატლი გამოიჩეკება, გახვრეტს ლორწოვან გარსს და სისხლძარღვების გზით იწყებს მიგრაციას: გაივლის ღვიძლს, გულს, ფილტვებს, შემდეგ ბრონქების და სასულე მილის საშუალებით ამოდის ხახაში, საიდანაც ჩაიყლაპება და წვრილ ნაწლავებს აღწებს. 40-70 დღეში იგი ზრდასრულ პარაზიტად გადაიქცევა.

მკურნალობა:

• მსხლის თესლები ორგანიზმიდან ჭიების გამოდევნის კარგი საშუალებაა, აგრეთვე კარგია, როგორც კუჭის შემკვრელი.
  
  
• ბრტყელი და გრძელი ჭიების არსებობისას დიდი რაოდენობით წვრილად დაჭრილი - თაფლიანი ნიგოზი უნდა მივიღოთ.
  
  
• 30 გრ მჟავე ბროწეულის ძირების ქერქის ფხვნილს დავაყოლოთ ცხელი წყალი. კარგი საშუალებაა ჭიების საწინააღმეგოდ.
  
  
• ბეწვთავა ჭიების (ენტერობიუსი) წინააღმდეგ ეფექტურია ნივრის ნაყენის ოყნა, ან ნივრის კბილის გაკეთება სწორ ნაწლავში, მთელი ღამით.
  
  
• მრგვალი და ლენტისებური ჭიების განდევნის მიზნით უზმოზე მივიღოთ ნიგოზი; სოლიტერის წინააღმდეგ - 30-60 გრ ნიგვზის ზეთი მშრალ ღვინოსთან ერთად.
  
  
• ასკარიდოზის დროს უნიშნავენ ქლიავის თესლს, 5-10 გრ ერთჯერადად.