მუნი არის გადამდები პარაზიტული დაავადება, რომელიც გამოწვეულია მუნის ტკიპის მიერ. ადამიანი ავადდება უშუალოდ დაავადებულისგან ან მისი ნივთებით - ტანსაცმელი, თეთრეული, ღრუბელი, პირსახოცი და ა.შ. დაავადებას თან ახლავს ქავილი, განსაკუთრებით ღამით. ტკიპა აკეთებს შესასვლელს კანში და მისი მოხვედრისთანავე ჩნდება ქავილი. მუნის ამოცნობა ძნელი არ არის: კანის ზედაპირზე ვლინდება წვრილი წითელი მუწუკი, ტკიპას გზას აქვს მუქი ყავისფერი ხაზის ფორმა, ტკიპას შესვლის წერტილში შეიძლება გაჩნდეს ჩირქოვანი ბუშტუკი, გზის ბოლოს ბუდობს ტკიპა, თითოეულ გვირაბში მდედრი ტკიპა დებს 20 ან მეტ კვერცხს. ტკიპა უმეტესად ლოკალიზდება: თითებშუა ღარებში, ხელის მტევნის ნაკეცებში, მუცლის არეში, ბარძაყის შიგნითა ზედაპირზე ტკიპა შეიძლება გადაედოს ძაღლის, კატის ან სხვა შინაური ცხოველისგან.



რეცეპტები:

• რეკომენდებულია: 15 გრ ოშოშა დაახით 100 მლ ძმარი, დააყენეთ 7 დღის განამვლობაში, დაზიანებულ ადგილზე ისმევა 2-ჯერ დღეში.
  
  
• საღამობიით საჭიროა ღვიის ნახარშის აბაზანების მიღება. 100 გრ ღვიის ნაყოფი და ტოტები ჩაყარე 1 სათლ (ვედრო) მდუღარე წყალში ადუღე 15 წთ, ნაყენი ჩაასხი აბაზანაში დაამატეთ წყალი სასურველი ოდენობით.
  
  
• ხეჭრელას ქერქის ნახარშით ჩამოიბანეთ სხეული 1-2-ჯერ დღეში. 4 ჩ/კ ხეჭრელა 1ლ მდუღარე წყალი, ადუღეთ დაბალ ცეცხლზე 10 წთ. დააყენეთ 30 წთ, გაწურეთ. ნახარში მიიღება დასალევადაც 1 ს/კ ან 1 ჩ/კ 3-ჯერ დღეში.
  
  
• სხეულის დაზიანებულ ნაწილზე უსვამენ სუფთა კუპრს, 3-4 საათის შემდეგ ჩამოიბანეთ თბილი წყლით. ქატოს ან ტუხტის (ალთეს ) ძირების საშუალებით.
  
  
• თუ პარაზიტმა დააზიანა მხოლოდ ხელები სამკურნალოდ შეიძლება გამოვიყენოთ ჩვეულებრივი პურის მჟავე ბურახი, კვასი ძლიერ დაამარილეთ, გააცხელეთ 50-55 გრადუსამდე (ხელი რასაც გაუძლებს) ჩაყავით ხელი იდაყვებამდე, 3-4 სთ-ის შემდეგ შეიძლება გამეორება დღეში რამდენიმეჯერ.
  
  
• არყის და ფიჭვის ფისი ისმევა დაზიანებულ ნაწილზე, ან მზადდება მალამო. ფისი ერევა ვაზელინში 1:4 პროპორციით, წაუსვით მალამო დაზიანებულ ადგილს 2-ჯერ დღეში, გამოჯანმრთელებამდე.