პროდუქტები, რომელთაც ჩვენს დღევანდელ ჩამონათვალში იხილავთ, გადამუშავების ხანგრძლივ პროცედურას გადის, რის შედეგადაც მათი მონელება ჩვენი ორგნაიზმისთვის რთულ მისიას წარმოადგენს. მრავალი კვლევის შედეგები გვიჩვენებს, რომ ამ პროდუქტების რეგულარული მიღებით წარმოუდგენლად დიდ ზიანს ვაყენებთ საკუთარ ჯანმრთელობას.

ფქვილი

მიუხედავად იმისა, რომ ეს პროდუქტი მავნედ არ გვეჩვენება, ორგანიზმში მოხვედრის შემდეგ ის აღიქმება, როგორც შაქარი. ამ ფაქტს დამღუპველი გავლენა აქვს კუჭქვეშა ჯირკვლის მუშაობაზე და ორგანიზმში ინსულინის დონეზე.

ხორბლის გადამუშავების დროს მასში შემავალი სასარგებლო ნივთიერებები და ბოჭკოები უკვალოდ ქრება. თვითონ ეს პროდუქტი არ წარმოადგენს საფრთხეს ჩვენი ჯანმრთელობისთვის, თუმცა მისი გადამუშავების შემდეგ ყველაფერი რადიკალურად იცვლება. სწორედ ამიტომ, არ არის რეკომედირებული ამ პროდუქტის ჭარბი რაოდენობით მიღება.

შაქარი

ეს პროდუქტი ძალზედ მავნებელია ჩვენი ღვიძლისთვის, კუჭქვეშა ჯირკვლისთვის და საჭმლის მომნელებელი სისტემისთვის. სწორედ შაქარი შეიძლება იქცეს დიაბეტისა და გაცხიმოვნების, სიმსუქნის გამომწვევ მთავარ მიზეზად. გარდა ამისა, ამ პროდუქტის მოხმარება უარყოფითად აისახება ნერვულ სისტემაზე. მნიშვნელოვანია იცოდეთ, რომ ყველა სახეობის შაქარს არ აქვს მავნე ზეგავლენა ჩვენს ორგანიზმზე. ნატურალური შაქარი, გონივრული რაოდენობით, რომელსაც შეიცავს ხილი და თაფლი, ძალზედ სასარგებლოა ჩვენი ჯანმრთელობისთვის.

რძე

თქვენ ალბათ ფიქრობთ, რომ რძე ერთ-ერთი ყველაზე სასარგებლო პროდუქტია მსოფლიოში... ბავშვობაში ყოველთვის გვეუბნეოდნენ, რომ ეს პროდუქტი გვიმაგრებს ძვლებს და გვეხმარება ორგანიზმის გაჯანსაღებაში, თუმცა დიეტოლოგ პატრიკ ჰოლფორდის მოსაზრება რადიკალურად განსხვავდება ჩვენი დიდი ბებიების მოსაზრებისგან. ექიმის თქმით, ასაკის მატებასთან ერთად ჩვენს ორგანიზმს უჭირს რძის ერთ-ერთი ძირითადი კომპონენტის, ლაქტოზის გადამუშავება.

რძე შეიძლება იქცეს მუცლის შებერილობის, ანთებითი დაავადებების, საკვების აუტანლობის და მომატებული მჟავიანობის გამომწვევ მიზეზად.

ყოველივე ამის მიზეზი რძის თერმული დამუშავება და მისი სხვადასხვა დანამატებით გაჯერებაა. იმისთვის, რომ თავიდან აირიდოთ სხვადასხვა დაავადებები, მიირთვით ქოქოსის ან ბრინჯის რძე, რადგან მათი გადამუშავება გაცილებით მარტივია.

ფუნთუშები

ფუნთუშები, რომლებიც მომზადებულია ისეთი მავნე ინგრედიენტებისგან, როგორებიც ფქვილი და თეთრი შაქარია, ძალზედ სახიფათოა ჩვენი ჯანმრთელობისთვის. ფუნთუშების რეგულარულად მირთმევის შედეგად დიაბეტისა და გულ-სისხლძარღვდთა დაავადებების განვითარების რისკი ჯერადად იზრდება.

ფასტ-ფუდი

ეს საკვები მზადდება ძალზედ სწრაფად და ძალიან სახიფათოა ჩვენი ორგანიზმისთვის. ფასტ-ფუდის სიყვარულით (გადამუშავებული ხორცი, სოდა და გაჯერებული ცხიმები) უდიდეს ზიანს ვაყენებთ ჩვენს ჯანმრთელობას.

უალკოჰოლო სასმელები

სასმელები, რომლებიც შეიცავს სახარსა და ქიმიკატებს, ძალზედ სახიფათოა ჩვენი ორგანიზმისთვის.

უკანასკნელი კვლევის შედეგები გვიჩვენებს, რომ 1 კვირის განმავლობაში 2 ბოთლი მსგავსი სასმელის მიღების შედეგად, კუჭქვეშა ჯირკვალი შეიძლება ზომაში 2-ჯერ გაიზარდოს.

ამერიკელი ექიმის, ჯოზეფ მარკოლის თქმით, ერთი ბოთლი გაზირებული სასმელი მინიმუმ 10 კოვზ შაქარს, 30-55 მილიგრამ ქიმიურ დანამატს და კოფეინს შეიცავს.

დამუშავებული ხორცი

დამუშავებული ხორცი შეიცავს დიდი რაოდენობით ნატრიუმსა და ნიტრატებსს, რაც ძალზედ სახიფათოა ჩვენი ჯანმრთელობისთვის. ამერიკულმა ინსტიტუტმა, რომელიც ორიენტირებულია სიმსივნის შესწავლაზე, აღმოაჩინა, რომ დამუშავებული ხორცის მიღება სავსებით შესაძლებელია იქცეს მსხვილი ნაწლავის სიმსივნის გამომწვევ მიზეზად. ორგანიზმში მოხვედრის შემდეგ ნიტრატები ნიტრიტებად გარდაიქმება, რაც განაპირობებს ნიტროზამინების ფორმირებას (ქიმიკატები, რომლებიც სიმსივნეს იწვევს).

კარტოფილის ჩიფსები

კარტოფილი, რომელიც მუშავდება მაღალ ტემპერატურაზე, აწარმოებს აკრილამიდს, რომელიც ძლიერი კანცეროგენია. პროფესორი დეილ ჰეტისი ირწმუნება, რომ ეს ნივთიერება (აკრილამიდი) იწვევს სიმსივნეს. კარტოფილის ჩიფსები შეიცავს დიდი რაოდენობით მარილს, ცხიმებსა და ნატრიუმს, რის შედეგადაც ორგანიზმში საგრძნობლად მატულობს ქოლესტერინის დონე და არტერიული წნევა, რამაც დიდი ალბათობით შეიძლება ინსულტამდე მიგვიყვანოს.

გარდა ყოველივე ზემოთ ხსენებულისა, 2005 წელს ჟურნალ ''The cancer Science''_ში დაიბეჭდა კვლევის შედეგები, რომლის თანახმადაც, ჭარბი რაოდენობით მარილის მიღებას კუჭის სიმსივნემდე მივყავართ.

კონსერვირებული სუპები

იმ შემთხვევაში, თუ ორგანიზმში დასაშვებზე მეტი რაოდენობით ნატრიუმი ხვდება, ადგილი აქვს წყლის შეკავებას, რაც თავის მხრივ არტერიული წნევის მატებას იწვევს. ამ ფაქტმა სავსებით შესაძლებელია გულის შეტევამდე მიგვიყვანოს...

კონსერვირებული საკვები ხშირად ასოცირდება სასარგებლო საკვებთან, თუმცა სინამდვილეში, ეს პროდუქტები ჭარბი რაოდენობით მარილს შეიცავს. ცნობისთვის, კონსერვირებული სუპი შეიცავს 890 მგ ნატრიუმს, რაც ორგანიზმისთვის ამ ნივთიერების დღიური დოზაა.

მარგარინი

ეს პროდუქტი შეიცავს ტრანს-ცხიმებს, რომელთა გადამუშავება ჩვენს ორგანიზმს არ შეუძლია. ორგანიზმში ქოლესტერინის მომატებულ დონეს მივყავართ სისხლძარღვების დაზიანებამდე, რამაც შეიძლება საბედისწერო განაჩენი გამოგვიტანოს. მარგარინი განაპირობებს ტქოსინების გამომუშავებას და საზიანო გავლენა აქვს ღვიძლზე.

აუცილებლად აკონტროლეთ საკუთარი კვების რაციონი და მაქსიმალურად შეეცადეთ ზემოთ ჩამოთვლილი პროდუქტების დავიწყებას. არ დაგავიწყდეთ ამ ინფორმაციის მეგობრებისთვის გაზიარება!